55-годишен вработен во Јавното претпријатие „Градски гробишта“ во Охрид, нарачал бехатон плочки со кои требало да се поплочи пат до црква во Љубаништа, но ги однел во дворот на својата викендичка, која се наоѓа веднаш до црквата.
„СВР Охрид поднесе кривична пријава против П.М.(55) од Охрид, поради постоење основи на сомнение за сторено кривично дело „злоупотреба на службената положба и овластување“. Тој, на 12.11.2020, во својство на службено лице во ЈП„Градски гробишта“ во Охрид од ЈП „Охридски комуналец“ побарал за потребите на „Градски гробишта“ камион кипер за транспорт на 800 бехатон плочки, наменети за поплочување на пат до црква во охридското село Љубаништа,“ се вели во полициското соопштение.
„Откако биле пренесени, пријавениот плочките ги пренел во дворот од својата викенд куќа, која се наоѓала веднаш до црквата, со што се стекнал со противптравна имотна корист од над 60.000 денари,“ додаваат од полицијата.