„Премиерот на Република Македонија и претседател на владеачката партија ВМРО – ДПМНЕ, предизборно, најави неколку проекти меѓу кои и почеток на изградба на автопатишта во Република Македонија, зошто шест месеци пред локалните избори, тоа го знае најдобро самиот.
Но, Охрид повторно е заборавен. Граѓаните сеуште ќе чекаат подобри времиња за изградба на автопатот од Кичево до Охрид. Пристапот до најатрактивниот туристички центар сеуште ќе биде преку инфраструктура со мизерни услови. Игнорирањето на Охрид, и понатаму е дел од политиката на владата и на премиерот Груевски“ велат од општина Охрид.
Од таму велат дека маргинализирајќи го Охрид, и упатувајќи ги туристите кон нивниот проект “Скопје 2014”, дрско објавуваат лажни податоци за споредбата на бројот на туристи кои ги посетиле Општина Охрид и Општина Центар во Скопје.
„Груевски веќе нема простор околу неговите тактики за Охрид. Отфрлувајќи го, како да не е дел од Република Македонија, тој само им штети на граѓаните. Но, затоа пак граѓаните на Охрид, осум години континуирано го казнуваат на избори. Така ќе биде и во наредните, барем четири години“ велат од локалната самоуправа.
Мики Трајковски