Делегација на Општина Охрид предводена од претседателот на Советот на општината Душко Јаковчески деновиве престојуваше во Харкањ, Унгарија, на Конференција за заштита на културното наследство на повеќе збратиме градови од Европа.
На собирот во Харкањ, Јаковчески одржа презентација за заштитата на културното наследство на Охрид, како град кој се наоѓа на двете листи на УНЕСКО. Конференцијата беше заокружена со потпишување Декларација за заштита на европското културно наследство на збратимените градови.
Инаку, на Конференцијата учестуваа делегации на градот домаќин Харкањ, Трогир од Хрватска, Будимпешта, Прага, Русе од Бугарија, Фатерштетен од Германија, Слупца од Полска и Хајдубесермени од Унгарија.