Непознат сторител вчера на улица Ката Поцкова во Струмица извршил разбојништво врз Л.Ѓ. (55) од Струмица.
Сторителот физички ја нападнал Л.Ѓ. кога таа влегла во влезот од зградата и обидувајќи се да ѝ ја земе торбата почнал да ја удира со раце во предлот на главата и телото. Таа паднала на подот и од падот се здобила со повреди на прстите на десната рака.
Напаѓачот ја одзел торбата во која што, според пријвеното, имало 76 илјади денари, 1.070 евра, женски сребрен накит и мобилен телефон.
Полицијата презема мерки за пронаоѓање на сторителот и расчистување на случајот.
