Ограбена е црквата-параклис „Св. Ѓорѓи Победоносец“ на ул.„Ѓорѓи Капчев“ во Горно Лисиче, општина Аеродром.
Како што информира Гоце Трпковски, претседател на Црковниот одбор на Горно Лисиче кражбата најверојатно се случила ноќеска.
– Кражбата ја забележавме попладнево бидејќи денеска црквата не работи. Многу е оштетена влезната врата. Обиени се касите на иконите. Земени се пари од продажба на свеќи и од иконите, или од 100 до 200 евра, изјави Трпковски.
Во моментов екипа од МВР врши увид на местото.