Во Штип денеска се одржа дваесеттото Собрание на градоначалници од Брегалничко- Струмичкиот регион. На средбата присуствуваше и министерот за локална самоуправа, Тахир Хани.
„Имам можност да ги информирам претставниците од двата плански региони за тоа дека Владата на република Македонија го прифати предлогот да се пристапи кон измена и дополнување на Законот за регионален развој, во насока на кофинансирање на регионалните центри, со тоа што регионалните центри ќе бидат кофинансирани 50:50, и од страна на општините и од страна на владата“, изјави министерот за локална самоуправа, Тахир Хани.
На средбата се дискутираше за грантовите што ги добија Центрите за развој на планските региони преку ГИЗ РЕД програмата, како и за проектите за изградба на регионални системи за управување со отпад. Од страна на министерот беа презентирани и проектите што се реализираат во моментот од страна на Министерството за локална самоуправа.
Заклучокот на градоначалниците од двата региона е дека за економски развој на овој дел од Македонија е неопходно да се започне со посериозни проекти за подобрување на патната инфраструктура со што би се привлекле новите инвеститори.
М.Р.