Одложено судењето на Бобан Илиќ, осомничен за убиство на 4-годишниот Алмир Алиу

Од:

Во Основниот Суд Куманово денеска е одложено рочиштето против обвинетиот 30-годишен кумановец Бобан Илиќ кој е осомничен за убиство на четиригодишниот Алмир Алиу, поради боледување на вештаците од Клиниката за невропсихијатрија и неможност да присуствуваат на рочиштето, соопштија од кумановскиот Суд.

На минатото рочиште, исказ даде едниот од двајцата вешти лица, невропсихијатар, од Клиниката за невропсихијатрија, кој рече дека обвинетиот немал психопатолошки мотив, не се наоѓал во состојба на патолошки страв, не бил во привремено душевно растројство, но во секој случај како што нагласи, бил уплашен, бидејќи сметал дека му е загрозен физичкиот интегритет. Тоа додаде влијаело ограничувачки во неговото расудување, кое сепак било рационално.

На ова реагираа адвокатите на фамилијата Алиу и на мајката на Алмир кои побара од Основното јавно обвнителството како дополнение на доказот да се елиминираат, според нив, недостатоците на вештачењето. Адвокатот на првообвинетиот се согласи со исказот на вештото лице.

Обвинетиот Илиќ на првото рочиште рече дека не се чуствува виновен. Тогаш сведочеше мајката на детето, но и братот на обвинетиот и неговата девојка. На првото рочиште беше разгледана и видео снимка од камерата на една од куќите, лоцирана во близина на Здравствениот дом.

Осомничениот се товари дека на 25 јуни го прегазил четиригодишниот Алмир во близина на Здравствениот дом во Куманово по инцидентот што се случи на улицата „Борис Кидрич“. За овој настан против три други лица е поднесено обвинение за сторено кривично дело „насилство“. Станува збор за таткото на детето Седат Алиу, Сами Демири и Абдула Алиу.

Би можело да ве интересира

Уапсена е сопругата на докторот кој вчера беше застрелан во Куманово, напаѓачот е во бегство

А1он

Докторот Шаини кој вчера беше ранет во центарот на Куманово е пуштен на домашно лекување

СДСМ бара оставка од Тошковски, вооружените инциденти покажуваат распад на безбедносниот систем

Горан Наумовски

ДУИ го осуди инцидентот во Куманово, бара МВР и Обвинителството да ги идентификува сторителите

Обвинителството за пукањето во Куманово: Првичните индиции не упатуваат на политички мотиви зад оружениот инцидент

Горан Наумовски

Во Куманово е ранет кандидатот за советник во Липково, Зекирија Шахини

Горан Наумовски