Црвен крст на град Скопје во рамките на активностите за поддршка и социјализација на лица со посебни потреби и деца сместени во згрижувачки семејства денеска традиционално го одбележува 1 јуни – Светскиот ден на згрижувачи. На настанот освен децата сместени во згрижувачки смејства преку ЦСР Скопје, ќе се приклучат децата и згрижувачи од СОС Детско село.
На платото пред спомен-куќата на Мајка Тереза ќе биде изведена програма со изведувачи на детски песнички од фестивалот „Златно славејче“, младата пејачка Антонија, како и магионичарот Кристијан. Настанот ќе го отвори поп пејачката Дани Димитриевска.
Во делот за дружење и забава со децата ќе се приклучат и волонтерите на Црвен крст. Ќе се реализира и ликовна работилница со ликовен уметник и педагог. Поканети ќе бидат и претставници од медиумите кои ќе поразговараат и со самите згржувачи присутни на настанот кои ќе го споделат личното искуство и ќе ги поттикнат останатите граѓани да ја прифатат оваа форма.
Активноста ќе се реализира во соработка со МТСП – ЈУ Меѓуопштински центар за социјална работа – Скопје и СОС Детско село поддржани од Комерцијална банка.