Одбележан е светскиот ден на крводарителството

Од:

Општина Карпош во соработка со Црвениот крст (Општинска организација – Карпош) го одбележа 17-ти март, Светскиот ден на крводарителството и денот кога е основан Црвениот крст во нашата држава.

Традиционално, се доделија признанија на деветмина хумани граѓани – крводарители, како и на претставници на организации, институции и фирми.

Градоначалникот Стефан Богоев ги додели благодарниците на сите крводарители кои во изминатата година дарувале крв по 50 – ти, 75-ти или 100-ти пат.

– Карпош е симбол на светската солидарност. Голем број на метрополи придонеле во обновата на Градот Скопје, а со самото тоа и на Карпош, по катастрофалниот земјотрес во 1963. Затоа имаме и голем број на улици кои се именувани по имиња на светски градови: „Римска“, „Атинска“, „Париска“, „Хелсинки“ и др. Сакам да Ви честитам за хуманоста и за фактот што претставувате вистински пример во локалната заедница, но и во општеството, посочи во оваа пригода Богоев.

Пред присутните се обрати и Билјана Костова, претседател на ОО Црвен крст – Карпош и членка на Советот, која напомена дека Карпош е лидер по бројот на хумани луѓе кои се одважиле, дарувале крв и спасиле нечиј живот.

Дополнително, секретарот на ОО Црвен крст – Карпош, Маре Поповска, на градоначалникот Богоев му додели благодарница за локалната самоуправа, за големиот придонес што Општината го дава на полето на организирање на хуманитарни настани и крводарителски акции, во кои, во изминативе години, се собрани повеќе од 3.500 крвни единици.
Благодарници за особен придонес им беа врачени и на Факултетот за информатички науки и технологии (ФИНКИ), Клиничката болницата „Аџибадем Систина“ и на МПЦ – Скопска епархија.

Би можело да ве интересира

(ВИДЕО) Станивуковиќ: Град Скопје и Општина Карпош реконструираат клучни сообраќајници во општината

Ана Ололовска

Богоев на Ифтар вечера во пресрет на Рамазан Бајрам

Ана Ололовска

ЕУ карванот тргна од Карпош

Ана Ололовска

Со емоционално учење до поквалитетно образование

Ана Ололовска

Хуманитарна акција „Подај рака- донирај за својот сосед“

Ана Ололовска

Германски искуства за пренамена на јавните запуштени површини

Ана Ололовска