Само две од триесетина мерни станици во Скопје, покажуваат дека воздухот не е загаден. Останатите покажуваат, покажуваат делумно, но и високо загадување. Четири мерни станици не даваат податоци или покажуваат ниски вредности со назнака „проблем со ова мерење“. Утрово погледот од Водно кон Скопје ги поткрепува податоците на мерните станици. Овен густа магла, градот не може да се види.
Загаден воздух, според апликацијата „Мој воздух“ детектираат мерните станици МЗТ-Гази Баба, Автокоманда, Кисела Вода односно мерната станица во близина на улицата „Борис Трајковски“, Аеродром кај Тобако, Маџир Маало, Клинички Центар, Центар, мерната станица кај „Излет“ во близина на булеварот „Партизански одреди“, мерната станица во Градски парк, Козле, како и мерната станица во СУГС Никола Карев во Карпош 3, Ѓорче Петров, Бардовци.
Делумно загаден воздух покажуваат мерните станици во Аеродром кај Реонски центар и булеварот „Јане Сандански“, Ново Лисиче, Гази Баба, Црниче, Железара, Центар 2, Карпош 2, Алуминка, Карпош 4, Топанско Поле.
Високо ниво на загаденост покажува мерната станица во Кисела Вода, лоцирана во близина на улицата „Димо Хаџи Димов“. Чист воздух, покажуваат мерните станици лоцирани кај Министерството за внатрешни работи и Сопиште.
Дека воздухот е загаден е забележливо и од маглата, како и мирисот на чад. Утрово на Водно, сликата е поинавка. Скопје не се гледа, а сите кои испешачија до горе уживаа во сонце.