Од утре нема да важат бесплатните годишни средношколски и студентски билети за користење на јавниот превоз како и билетите за бесплатен превоз на возрасни лица, информираат од ЈСП, поради превенција од коронавирусот.
„Времено, нема да важи и одлуката за бесплатен превоз за возрасни лица (жени со 62 год, мажи со 64 год) во вторник, петок, сабота и недела во јавниот превоз и на Жичарницата на Водно. Укинувањето на бесплатниот превоз на посочената категорија корисници е согласно актуелната состојба со коронавирусот и препораките од надлежните институции за превенција и заштита од вирусот. Одлуката е времена, ќе важи во наредните две недели, се до наредните препораки“, велат од ЈСП.