Од силниот ветер падна дрво и повреди жена во центарот на Скопје

Од:

Дрво падна на булевар во центарот на Скопје при што е повредена жена. Пренесена е на Комплексот клиники „Мајка Тереза“. Сообраќајот на тој дел од булеварот е во прекин, се расчистува улицата од гранки и остатоци од дрвото.

И во други делови од главниот град има пријави за падната дрвја. Во близина на „Веро Џамбо“, попладнево падна дрво врз автомобил како резултат на силниот ветер.

УХМР апелираше за внимание од појава на пороен дожд, грмежи и силен ветер над 70 километри на час.

Од УХМР ппредупредија дека во текот на вечерните и ноќните часови ќе има потреба од внимателност во повеќе региони, како и внимателно движење покрај помалите реки и суводолиците и места каде има опасност од одрони и свлечишта.

– Попладнево и во текот на ноќта на повеќе места ќе биде нестабилно со пороен дожд и грмежи. Локално ќе има невреме со интензивен пороен дожд, силен ветер (над 70 km/h) и појава на град. Максималната температура ќе биде во интервал од 27 до 35 степени, информираа од УХМР.

Би можело да ве интересира

СДСМ: Скопје се гуши поради неспособноста на власта и градоначалниците од ВМРО-ДПМНЕ

Променливо облачно со претпладневен локален дожд

Поради невремето во Скопје на 112 повеќе пријави за паднати дрвја, скинати кабли на ЕВН и оштетување на приватна сопственост

(ФОТО) Паднати дрвја низ цело Скопје, ветрот правеше масакр по улиците

А1он

Невреме со силен ветер во Скопје – паднати кровови од згради во Чаир и во Ѓорче Петров

А1он

Силно невреме со град ја погоди Словенија