Од денеска стапува во сила законската обврска за поседување зимска опрема во возилата. Согласно Законот за безбедноста на сообраќајот на патиштата, сите возачи мора да ја имаат во своето возило, без разлика дали се движат во град или на отворен пат.
Под зимска опрема се подразбираат гуми за зимска употреба на погонските тркала, односно радиални пневматици на сите тркала или пневматици со летен профил, чија длабочина на шарата изнесува 4 мм, ако во возилото во приборот има синџири за погонски тркала, а за автобуси и товарни возила и лопата. Возачите ќе се казнуваат со глоба во износ од 15 евра ако не носат опрема.
Законската обврска за носење зимска опрема во возилата ќе трае до 15 март следната година.