Мрежата за известување за организиран криминал (OCCRP) го прогласи црногорскиот премиер Мило Ѓукановиќ за личност на годината заслужна за промоција на криминалот, корупцијата и неграѓанското општество.
Оваа „награда“ за малку ќе ја добиел македонскиот премиер Никола Груевски кој е првиот Македонец, што е номиниран од оваа организација. То влегол во вториот круг од гласањето и го освои третото место.
– На второто и на третото место се наоѓаат жената и децата на претседателот на Азербејџан Илхам Алиев и македонскиот премиер Никола Груевски. Роднините на азербејџанскиот претседател поседуваат голем удел во економијата и ја ограбуваат државата и самите се богатат.
Македонскиот премиер Никола Груевски прислушуваше новинари и опозицијата, ги гонеше политичките противници и учествуваше во прикривиње убиства, стои во соопштението на OCCRP.
OCCRP е конзорциум од 22 медиуми кои се занимаваатт со истражувачко новинарство и неколку стотици новинари од Европа и Централна Азија се дел од работата на оваа мрежа. Формирана во 2006, центрите на мрежата работат на заеднички меѓународни истражувачки проекти и досега имаат продуциран повеќе од 60 истражувања на повеќе од 120 новинари.
Секоја година новинарите членови на OCCRP од повеќе од 30 држави гласаат за личност на годината заслужна за промоција на организираниот криминал и корупција.