Обвинител од Основното јавно обвинителство во Струмица и инспектори за пожар од Дирекцијата за заштита и спасување, денеска го завршија увидот за причините за пожарот во Трговскиот центар „Глобал“ во Струмица, соопштија од ОЈО Струмица.
До крајот на денот и крим-техничарите од Министерството за внатрешни работи требаше да ги завршат неопходните испитувања и најверојатно од утре веќе ќе може да се започне со расчистување на остатоците од пожарот во „Глобал“.
Во пожарот, кој избувна во саботата навечер во 23:12 часот, опожарена е една третина од Градскиот пазар, повеќе продавници на приземјето и првиот кат, дел од вториот, а урнат е и дел од покривот на трговскиот центар.