Основното јавно обвинителство бара од судија на претходна постапка да му одреди притворр на сопственикот на порталот ДоказМ Маријан Стаменковски затоа што тој е осомничен за повеќе кривични дела.
– Притворот е предложен бидејќи на товар на осомничениот му се ставаат повеќе кривични дела сторени од позиција сопственик на интернет портал, преку кој, искористувајќи познанства и релации со различен профил на лица, преземал противправни дејствија во континуитет, што упатува дека ќе ги презема и во иднина доколку не му биде определена мерка притвор и биде оставен да се брани од слобода. Осомничениот се служел со сопствениот интернет портал, знаејќи дека е достапен на неограничен круг лица, како средство за ефективен притисок врз жртвите, притоа предизвикувајќи лавина општествени последици со несогледива штета во форма на религиска омраза и ксенофобични идеи. Дополнителна околност во таа насока е потребата да се заштитат жртвите, кои биле подложени на изразен говор на омраза и закани преку компјутерски систем и преку интернет порталот на осомничениот наведуваат од Јавното обвинителство.
Додаваат дека притворот го сметаат за неопходен за да се обезбеди присуството на осмниченито и охрабруваат и други евентуално ги пријават нивните случаи .