Адвокатите на Марјан Стаменковски од „ДоказМ“ бараат да се изземе Скопското обвинителство

Од:

Адвокатите на Марјан Стаменковски, сопственик на порталот „ДоказМ“, побараа да се одложи судењето против нивниот клиент и да се изземe скопското обвинителство затоа што во случајот се инволвирани и четворица истражители во ОЈО Скопје.

Судијката Марија Клетничка Марковска одлучи судењето да продолжи во петок.

ОЈО Скопје објави претходно дека Стаменковски од комуникацијата со една истражителка од МВР објавувал лични податоци и фотографии за четворицата други истражители ангажирани во ОЈО Скопје за што сега се товари и за делото злоупотреба на лични податоци.

Претходно, обвинителката Зорица Павловиќ предложи да се исклучи јавноста од предметот затоа што се работи за кривични дела против моралот и да се заштити приватниот живот. Се работи за информации кои се однесуваат и на интимниот живот, рече таа.

Судијката Марија Клетничка Марковска која го води процесот го прифати предлогот од отворањето на заседанието до завршување на јавна расправа да се исклучи јавноста во дел од расправата или цела.

Уцена, пиратерија, ширење расистички и ксенофобични материјали и злоупотреба на лични податоци се кривичните дела за кои се товари Стаменковски. Од Обвинителството, по приведувањето и одредениот притвор за Стаменковски пред еден месец, ги повикаа сите кои биле жртви на сопственикот на „ДоказМ“ да се охрабрат и да го пријават.

Против Стаменковски има повеќе пријави, меѓу кои од една телевизија дека без одобрение ставал на располагања видеа кои се заштитено аудиовизуелно дело, од свештеници поради ширење омраза и нетрпеливост кон нив преку текстови на својот портал и поттикнување тие да бидат избркани од манастирот, како и од две новинарки.

Во судницата присутни беа шесте оштетени кои биле цел на Стаменковски, меѓу кои новинарките Валентина Вурмо и Ирена Мулачка.

Во претресот во станот каде живее беа пронајдени документација, електронски уреди кои се вештачат, како и поголема сума пари за кои постои сомнеж дека потекнуваат од кривично дело.

Би можело да ве интересира

Сведочењето на Марјан Стаменковски одложено за следното рочиште

На сопственикот на на „ДоказМ“ повторно ќе му се суди за уцена, Апелација му ја намали казната затвор

Катерина Ѓуровски

Обвинителството бара повисока казна, а одбраната укинување на пресудата за случајот „ДоказМ“

Горан Наумовски

Одбиено барањето на сопственикот на „ДоказМ“ за иземање на обвинителот Рајчев

Горан Наумовски

Рајчев: Наводите на Марјан Стаменковски се невистини, ќе поднесам тужба за клевета

Поради барање за изземање на јавниот обвинител Сашо Рајчев: Апелација ја одложи седницата за случајот „ДоказМ“ за 19 мај