Обвинителството бара притвор за неготинецот кој ја претепа партнерката до кома

Од:

Јавен обвинител од Основното јавно обвинителство Кавадарци донесе Наредба за спроведување истражна постапка против 51-годишен жител на Неготино за кого постои основано сомнение дека сторил кривично дело – Тешка телесна повреда од член 131 став 3 од Кривичниот законик.

На 2 август, по вербална расправија, осомничениот извршил семејно насилство врз жена со која претходно повеќе години живеел во вонбрачна заедница. Тој повеќе пати ја удирал со бокс во главата, а потоа ја турнал кон туш кабината во бањата. Оштетената паднала и се здобила со тешка телесна повреда од која западнала во коматозна состојба. По интервенција во Општа болница – Кавадарци, таа била итно пренесена на лекување во Клиничкиот центар „Мајка Тереза“ во Скопје.

Надлежниот јавен обвинител до судијата на претходна постапка од Основниот суд во Кавадарци поднесе предлог за определување мерка притвор за осомниченото лице, бидејќи оцени дека постои опасност тој да се даде во бегство за да го избегне кривичниот прогон.​

Би можело да ве интересира

Девојче од Скопје дало 25 илјади евра на двајца соученици кои му се заканувале на нејзиниот помал брат

Пијан и без дозвола, велешанец направил три сообраќајки

Катерина Ѓуровски

Струмичанец возел пребрзо и тоа пијан и без дозвола, со нож ги нападнал полицајците

Се бара притвор за киднаперите од Тетово кои грабнаа и малолетник

Катерина Ѓуровски

Уапсен Грк на Табановце, пронајдена марихуана и дробилки

33-годишен кичевчанец загина на патот Дебар-Струга, со мотор удрил во автомобил