Основното јавно обвинителство Скопје донесе Наредба за спроведување истражна постапка против едно лице за продолжени кривични дела – силување на дете кое не наполнило 15 години и прикажување порнографски материјал на дете.
Според Обвинителството, осомничениот, во временскиот период од 2023 година до 27.04.2026 година на различни локации принудувал на полов однос дете родено во 2012 година и го злоупотребувал за да сними фотографии и видеа со порнографска содржина.
Тој, според ОјО, на детето му се заканувал дека доколку каже некому, снимените материјали ќе ги покаже на други лица.
– Имајќи го предвид ризикот од бегство, можноста за влијание врз сведоците и особено малолетната жртва, како и ризикот да го повтори делото, јавниот обвинител до судијата на претходна постапка достави предлог за определување мерка притвор за осомничениот, тврдат од ОЈО.