Обвинетиот за настаните 27 април, Вилијам Михајловски побара домашен притвор, лут дека првообвинетите се во домашен или имаат мерки на претпазливост, а тој со уште десетмина други обвинети повеќе од една година се во притвор.
– Поради нив сме на обвинителна клупа. Протестирав 60 дена мирно, без инциденти. Верувам дека така ќе беше и тогаш ако не не пречекаа со отворени врати од Собранието. Нема да се дадам во бегство, имам намера да докажам дека не сум виновен, планирам да си се оженам и немам намера да бегам, рече Михајловски.
По паузата од судот беше отстранета Јагода Трајковска, мајка на еден од обвинетите бидејќи ја навредувала и со погрдни зборови вербално ја нападнала новинарката која сведочеше за настаните во Собранието.
Галена Николовска – Ризвановиќ
