Основното јавно обвинителство – Скопје, поднесе обвинение против лицето што ја нападна Радмила Шекеринска за врме на настаните во Собранието на 27 април годинава.
– Лицето се товари дека за време на настаните во законодавниот дом извршило грубо насилство, повлекувајќи за коса пратеничка во македонското Собрание. Оштетената во настанот се здобила со тешка телесна повреда, соопшти ОЈО.
Обвинителството посочува дека во врска со настаните во Собранието на Република Македонија на 27.04.2017 година, спроведе истражна постапка за сторено кривично дело – Насилство, за што е предвидена казна затвор во траење од 3 до 10 години. По завршената истражна постапка, до Основниот суд Скопје 1 – Скопје е поднесен Обвинителен акт против осомничениот.