Обвинение против Миленко Неделковски за статусот на „Фејсбук“ за жртвите од пожарот во Грција

Од:

Основното јавно обвинителство Скопје до Основниот суд Скопје 1 Скопје достави обвинителен предлог против новинарот Миленко Неделковски поради ширење расистички и ксенофобичен материјал на интернет.

„Тој се товари дека на 24.07.2018 година, преку компјутерски систем, во јавноста ширел ксенофобичен пишан материјал со кој промовирал омраза против група врз основа на етничка припадност. Осомничениот како јавна личност – новинар, на својот јавен профил на една социјална мрежа, објавил коментар по повод пожарот на грчкиот полуостров Атика во кој имаше и човечки жртви. Притоа со коментарот промовирал омраза кон одредена етничка група – Грци кои биле засегнати од катастрофалниот пожар. За ова кривично дело, согласно со Кривичниот законик, предвидена е казна затвор од една до пет години“, се наведува во соопштението.

Во текот на истрагата, како што се наведува, надлежниот јавен обвинител преку МВР – Сектор за компјутерски криминал и дигитална форензика, обезбеди детален документиран материјал за активноста од корисничкиот профил на осомничениот на социјалната мрежа, како и други докази. Како што се наведува, Неделковски не дал свој исказ пред надлежен јавен обвинител бидејќи не бил достапен на неговата адреса за да му биде врачена поканата.

Обвинителството имаше увид и во дадените коментари од други лица кон објавениот текст на осомничениот, но притоа оцени дека од кривично-правен аспект постојат основи за постапување само против осомниченото лице, бидејќи тој врз основа на својот општествен статус и професијата што ја извршува, со објавата ги поттикнал останатите коментари во јавноста“, се додава во соопштението на Обвинителството.

Би можело да ве интересира

Бајрами: Обвинителството регистрираше случаи на поткуп на гласачи и фотографирање на гласачки ливчиња

Горан Наумовски

Обвинителство: Денешниот изборен ден поминува генерално мирно и без поголеми нарушувања на изборниот процес

Горан Наумовски

Поднесено е обвинение за 19-годишник осомничен за неколку тешки кражби во Скопје

Обвинителство: Нова истрага за злоупотреби во РЕК Битола, кривична против осум физички и едно правно лице за злоупотреби

Горан Наумовски

Обвинителството бара притвор за маж од Виница кој со камења на познаник му го скрши черепот и е во кома

Горан Наумовски

Поднесено обвинение за убиството на турски државјанин во Штип

Предраг Петровиќ