ОБСЕ ја поздравува иницијативата за јакнење на медиумската саморегулација во земјава

Од:

Претставникот на ОБСЕ за слобода на медиумите, Харлем Дезир изрази поддршка за регистарот за саморегулација на онлајн медиумите во Северна Македонија, промовиран вчера од страна на Советот за етика во медиумите, ЗНМ и Стопанската комора.

– Медиумската саморегулација е корисен механизам и придонесува кон поквалитетно информирање, заштита на уредничката слобода и јакнење на медиумскиот кредибилитет, изјави Дезир.

Според него, меѓу другите начини како оваа иницијатива ја унапредува саморегулацијата на онлајн медиумите се и барањата тие транспарентно да ги објавуваат изворите на финансирање, да се придржуваат до Кодексот на новинарите и да ги објавуваат одлуките на Советот за етика во медиумите.

– Се надевам дека оваа заедничка активност на неколку организации од Северна Македонија ќе биде корисна за медиумските платформи како и за пошироката медиумска заедница, смета Дезир.

Претставникот на ОБСЕ за слобода на медиумите наведува дека ги следи медиумските случувања во сите 57 земји учеснички на ОБСЕ. Тој обезбедува рано предупредување при нарушувања на слободата на изразување и слобода на медиумите и промовира целосно почитување на заложбите за слобода на медиуми на ОБСЕ.

Би можело да ве интересира

Левица: ОБСЕ нотира цензура кон Левица во предизборниот период

Предраг Петровиќ

Левица: ОБСЕ ја истражува цензурата врз партијата

Мицкоски: Дезинформациите и неоснованите критики се најголем предизвик денеска за медиумската сцена и самата демократија

Кандидатите на претстојните локални избори ќе можат да се рекламираат на 329 медиуми во државата

Заврши рокот за пријавување на печатените и електронските медиуми за платено политичко рекламирање за учесниците во изборната кампања

Поразот на Украина може да доведе до колапс на земјата и граѓанска војна