Западнонилската треска ја зеде првата жртва во Македонија, откако денеска на Клиниката за инфективни болести од оваа неизлечива болест почина 53 годишна жена. Според информации од Клиниката, смртта настапила поради воспаление на мозокот по компилкациите кои настанале од западнонилската треска.
Починатата жена е прв случај кој е регистриран во Македонија. Оваа заразна болест се пренесува пo убод на тигрест комарец, кој го нема во земјава, но не може да се пренесе од човек на човек. До сега, неколку смртни случаеви има регистрирано во Хрватска, Србија и во Грција.
Заразени од западно-нилската треска се и уште еден маж на 66 години и едно седумгодипно дете кое е на детската клиника во Скопје, но тие се во добра здравствена состојба.
Мажот и детето не патувале надвор од Македонија, додека жената пред две недели била во Грција каде неодамна беа регистрирани повеќе случаи на оваа смртоносна инфекција.
