Сеуште трае опсадата на гимназијата Кочо Рацин во Свети Николе. Во просториите на училиштето сеуште седат заклучени партиски активисти кои вечерва нешто по 20 часот упаднеле во избирачките места наводоно со себе носејки фалсификат изборни материјали. Симпатизерите пак на другата партија сеуште го имаат блокирано училиштето однадвор и велaт дека нема да заминат се додека полицијата не ги приведе и одведе на распит оние кои се внатре.
Директорoт на училиштето веднаш по избивањето на скандалот дошол во зградата на гимназијата и под изговор дека внатре се одвива родителски состанок ги затворил сите врати на училиштето.
Според информации на насобраните однадвор меѓу 30-тината кои упаднале во зградата и сеуште се внатре се и директорка на основно училиште од градот и директори на подрачните единици на претпријатието Водовод, на Агенција за вработување и на Социјални грижи од Свети Николе.
Инаку нешто пред 20 часот, партиски активисти биле забележани како влегуваат во гимназијата Кочо Рацин во Свети Николе. Симпатизери на друга партија забележале дека има народ во просториите во гиманзијата предвидени да бидат избирачки места и случајот го пријавиле во полиција.
Во меѓувреме дел од триесетината партиски активисти кои биле начекани во гиманзијата успеале да избегаат но дел од нив сеуште се внатре, опколени од симпатизери на спротивната партија кои не им дозволуваат да излезат се додека полицијата не изврши увид.
