Градоначалникот на Град Скопје, Коце Трајановски и секретарот на Црвениот крст на Град Скопје Сузана Тунева – Пауновска денеска ќе го посетат Пунктот и прифатилиштето за бездомни лица во Момин поток.
На 45-те корисници на Пунктот ќе им доделат подароци со топла облека и вреќи за спиење.
Пунктот за бездомници функционира седум години и нуди услуги за лицата кои немаат свој дом. Целта е да овозможи оваа категорија граѓани да ги остварат основните човекови права и да се реинтегрираат во општеството.