Лустраторите, попладнево го обајавија првото „ кодошко“ досие.
Само неколку минути на сајтот на Комисијата стоеше досието на Слободан Угриновски, советник во Град Скопје од партијата Титови леви сили познат под псевдонимот „Ле Корбизје“ .
Веднаш беше повлечено, од технички причини.
Ова повторно ги разгоре несогласувањата во Комисијата за верификација на факти, за чедомир дамјановски ова е неуставно, а со него не се согласува Томе Аџиев, претседател на Комисијата.
Комисијата, и претходно утврди, а минатата недела потврди дека Угриновски соработувал со органите на државната безбедност од 1973 до 1983 година, а во акт на државната служба од 1973 година стои дека „Корбизје“ информирал за акции на арапски командоси, следејќи го лицето под псевдоним Балфур, кој бил студент од Палестина во Македонија.
Покрај Угриновски уште за десет лица Комисијата утврди дека биле кодоши. И нивните имиња и досиеја ќе бидат јавно објавени.