Свето Стаменов, Блерим Исени, Мира Костиќ и Зоран Трајчевски се добитници на државната награда „Мито Хаџи Василев-Јасмин“ за 2012 година за остварувања во областа на публицистиката и новинарството од интерес на Република Македонија.
Стаменов и Исени ја добиваат наградата за остварувања во областа на публицистиката, а Костиќ и Трајчевски во новинарството.
Одборот за доделување на државната награда „Мито Хаџи Василев- Јасмин“ соопшти дека одлуката е донесена на седница одржана на 11 декември.
Наградата на добитниците ќе им биде врачена на 21 овој месец во Порта Македонија.