Обединетата десница најави дека по вчерашната интерпелација станува се појасно дека се чекор поблиску кон приклучување кон опозицискиот фронт и кон учество на големиот митинг закажан за 28-ми октомври во Скопје.
Претседателот на ВМРО-Народна, Љубчо Ѓеоргиевски, кажа дека се радува што владата ја добила довербата зашто сака да гледа како ќе излезе од кашата што ВМРО-ДПМНЕ и ДУИ сами ја направиле.
Лидерот на ЛДП, Андрј Жерновски рече дека премиерот предизвикал смеа во јавноста со изјавата дека ја предвидел рецесијата.
Тој потсети дека претходно министрите тврделе дека Македонија е единствена земја, што ќе ја избегне кризата па дури и дека ќе ќари од неа.
Претседателот на Достоинство, Стојанче Ангелов, изјави дека подолго време има апсурдна ситуација во земјава.