Има жртви и има многу повредени, кусо потврди за „А1он“ Гзим Нуредини, шеф на Ковид – центарот во тетовската болница по пожарот во модуларната болница вечерва.
“Сега ги пребројуваме, утврдуваме кој колку е повреден, а за жал има и жртви“, рече Нуредини и најави дека за кусо време ќе излезат со официјални информации.
Пожарот во модуларната болница бил пријавен од неколкумина граѓани околу 21 часот, а дека е веќе изгаснат извести министерот за здравство Венко Филипче кој преку социјалните мрежи соопшти дека се утврдува точниот број луѓе кои го загубиле животот, повредените и се утврдува нивната состојба.
И тој најави дополнителни информации за подоцна.