„Во врска со медиумските напади на некои провладини новинари-слуги на Груевски кон НСДП, сакаме да ја информираме јавноста дека ВМРО-ДПМНЕ обидувајќи се да го дефокусира вниманието од катастрофалниот Извештај на Европската комисија, прво апсеше судии, па создаде паника во јавноста од непостоечка ебола, па преку контролираните медиуми од власта продолжува со пласирање на невистини за криза во опозиционата коалиција и некакво припојување на НСДП кон СДСМ.
Сакаме јасно и недвосмислено да им ставиме до знаење на душегрижниците, дека НСДП е самостоен политички субјект и дека продолжува да опстојува како таков. Исто така остануваме рамноправен партнер во опозиционата коалиција рамо до рамо со останатите партии во борбата против инсталираниот режим во Македонија од страна на Груевски и ВМРО-ДПМНЕ“, се вели во соопштението на НСДП.