„НСДП ги охрабрува опозициските партии и сите граѓани на Република Македонија на кои слободните и фер избори, како и демократијата во земјава им се поважни од криминалниот и клиентилистички поредок, да истраат во бојкотот на изборите на 5 јуни. Ја имаме историската шанса да покажаме политичката созреаност и ланецот на изборен криминал, кој континуирано се спроведува од 2008 година до денес, да го пресечеме и да означиме почетокот на една нова Македонија, изградена на темелите на демократијата и правната држава.
Не постои подобра прилика за утврдување на подршката на злосторничкото здружение ВМРО-ДПМНЕ, односно да се преброи демократски определената јавност и народот на Груевски, отколку нивното излегување на избори на начин на кој што се определиле да одат.
Бидејќи опозицијата е во состојба да го утврди бројот на сите граѓани кои ќе излезат на избори, а кои фактички го поддржуваат Груевски и злосторничкото здружение, македонската јавност ќе има можност да го види народот кој поддржува криминал и корупција, а на кој Груевски постојано се повикува. Дури и во последното соопштение за јавноста издадено од седиштето на злосторничкото здружение опозицијата беше предупредена дека народот ќе ја казни на 5 јуни, но и дека покрај народот ќе ја казнеле и некои други институции. Од ВМРО-ДПМНЕ веројатно мислат на „независното судство“ од тефтерчето на Јанкулоска, притоа и самите потврдуваат дека Груевски и криминалната структура околу него никогаш не сфатиле дека на парламентарни избори се добива политичка власт, а не судска.
Конечно, доколку опозицијата и демократски ориентираните граѓани останат доследни на својата одлука, на 5 јуни точно ќе се утврди дека оваа власт не поседува легитимитет да владее во Република Македонија“, соопштуваат од НСДП.