Во Зоолошката градина во Скопје денеска и утре првпат ќе се одржи дводневна забава за деца – „Новогодишна ЗОО-бајка“.
Од 12 до 16 часот најмалите посетители ќе имаат можност да уживаат во богата новогодишна програма и во двата дена.
Денеска и в недела од 12 часот е закажана претставата „Новогодишно чудо“ со Дедо Мраз, а потоа јунаците на „Дизни“ – Мики, Мини и Олаф – ќе делат подароци за секое дете.
За крај, во едукативниот центар е планирана проекција на анимираните филмови „Зоотопија“ и „Фроузен“.
Влезниците се по цена од 100 денари за деца и возрасни и може да се набават на билетарницата на „ЗОО Скопје“, секој работен ден, како и за време на настанот.