Општина Центар и годинава организира дочек и организира програма за Нова Година.
Овој пат, поради намалување на трошоците, но со уште поатратктивна програма, ќе има две вечери на манифестацијата „Град во Градот“.
Со култната рок група Ван Гог, центарци, скопјани, но и сите гости ќе ја дочекаат новата 2015-та година на скверот Јадран.
Овие две вечери ќе настапат и Игор Џамбазов, Тамара, ДНК, С.А.Р.С. и Ареа.
На 30-ти декември ќе има посебна новогодишна детска програма.
Анкетата која што ја направи општина Центар покажа дека најпосакувана група за дочекот била Ван Гог.
Игор Џамбазов, кој настапи и минатата година , се надева и оваа година на голема посетеност.
„Со ваков рокенрол избор не можат да се пофалат многу градови, ниту манифестации на балканот. Успехот да се донесат С.А.Р.С. и Ван Гог, се должи на добри менаџерски способности“, рече Џамбазов.
Градоначалникот Жерновски очекува и годинава, по минатогодишниот успех, скверот Јадран да биде преполн.
„За украсувања годинава општина Центар потроши 2.400.000 денари, а 2.600.000 денари за организирање на манифестацијата Град во Градот. Вкупниот износ на сумата е помал од оној кој што општина Центар со претходното раководство го давале само за украсување“, изјави Жерновски.