Снегот што од ноќва интензивно паѓа, го отежнува сообраќајот по магистралните и регионалните патишта кои минуваат низ гостиварскиот регион.
Висината на снежната покривка во Маврово достигна 70 сантиметри. Поради снег на коловозите забрана за движње на тешки моторни возила има на патните правци кон Стража и Дебар. Повеќето локални патишта се затрупани и речиси непроодни, информираат од локалната самоуправа. Евидентирани се и повеќе случаи на заглавени возила.
Неколку населени места во општина Маврово Ростуше имаат проблеми и со снабдувањето со струја.
– Струја од утрово нема во три села, а во неколку училишта во општина Маврово-Ростуше наставата не е почната. Мобилизирани сме во справуавњето со настанатата состојба, изјави градоначланикот Мукрем Мехмеди.
Во Гостивар и околината утрово наврнаа нови 30-тина сантиметри, но нема поголеми проблеми во одвивањето на сообраќајот.