Последните измени на Законот за стечајци ги опфаќа и новинарите од затворените локални јавни радио станици кои добија статус на стечаен работник и со тоа право на месечен надомест до пензионирање. Оваа одлука беше поздравена од Самостојниот синдикат на новинари (ССНМ) и Здружението на новинари на Македонија (ЗНМ).
– Со тоа делумно се исправи една голема неправда, со која се соочија нашите колеги кога преку ноќ се затворени десетици локални јавни радио станици, а тие останаа без работа и плата, стои во соопштението од ССНМ и ЗНМ.
Министерството за труд и социјална политика ги уважило барањата на ССНМ и ЗНМ, чии претставници во август се сретнаа со министерката Царовска новинарите од затворените локални радија да бидат опфатени со новиот закон.