Годинава беа формирани многу нови насоки за искачување на Демиркаписката клисура, за рекреактивно качување по карпи, но и за спортски тренинг, соопшти денеска Александар Кленов меѓународен мајстор по алпинизам и меѓународен поставувач на качувачки насоки од Русија, кој живее во Демир Капија и е претседател на спортскиот клуб „Клисура“ од овој град.
– Овие насоки најмногу се наменети за рекреактивно качување по карпи, но, исто така тие можат да се користат и за спортски тренинг. Насоките ги направивме заедно со волонтери и странци вљубеници во клисурата. Поставувањето на насоките е дел од договорот за соработка кој го имаме со општина Демир Капија, а со цел развивање на алтернативниот туризам и во согласнот со економската стратегија на општината Демир Капија, информираше Кленов.
Тој додаде дека и во иднина ќе продолжат да ја помовираат Демиркаписката клисура како идеално место за престој на љубители на повеќе видови на спорт, рекреација и туризам.