Во текот на денешниот ден, беше спроведена нова акција на активистите на Штип Арт.
Имено оваа акција, како што соопштуваат, е поттикната од потребата за да конечно после долги години, се стави во функција јавниот градски тоалет, но и да им се укаже на граѓаните дека воопшто не е убаво да уринираат каде стасаат, особено во влезовите од зградите низ централното градско подрачје.
„Влезовите од зградите, се гледа и на сликите, дека се во тотален хаос, а таму живеат луѓе и минат деца кои алармираат на некултурата и нехигиената во која живеат.
Затоа сакавме да пренесеме порака до локалните власти да се стави во функција градскиот тоалет, кој долги години стои, а од причини непознати за нас граѓаните не е ставен сеуште во функција. Да пренесеме порака и до граѓаните да внимаваат на јавната култура и хигиена.
Сите да се однесуваме одговорно кон нашиот град!“, соопштуваат од Штип Арт Активизам.
