Едногодишно детенце е новиот случај на заболен од западнонилска треска, соопштија од Министерството за здравство.
Како што изјавуваат, детето е примено на Клиниката за детски болести, со треска и зголемена телесна температура, но за среќа со полесна форма на болеста, без тешки компликации, како менингит и енцефалит.
Според податоци добиени од Институтот за јавно здравје, од вкупно пет лабораториски анализи, доставени од Клиниката за детски болести, четири биле негативни. Само кај едногодишното е добиен позитивен резултат за западнонилска треска.
Инаку, на Клиниката за инфективни болести сé уште лекува две иполгодишното дете, кое и натаму е во потешка здравствена состојба, додека останатите две лица, односно седумгодишно дете и повозрасен маж, по успешното лекување се пуштени дома. Досега во Македонија двајца починаа како последица на овој вирус.