Нов протест во Прилеп за „Еурокомпозит“

Од:

Бараме јасен одговор и крајно решавање на проблемите со исплатата на отпремнините и заостанатите плати и придонеси, реагираа работниците прогласени за технолошки вишок од прилепската наменска фабрика „Еурокомпозит“ на денешниот протест во центарот на Прилеп.

Според Пеце Велјаноски од Иницијативниот одбор на работниците прогласени технолошки вишок, не е исполнето ветувањето од минатонеделниот протест во Скопје за исплатата на отпремнините.

– На средбата со претставникот на државниот капитал ни беше речено дека отпремните ќе се исплатат до петокот или, најдоцна, до вчера, понеделник. Од тоа нема ништо, вели Велјаноски.

Револтирани се од нејаснотиите и кратката средба со вицепремиерот Кочо Анѓушев, кој најавил инвеститор што ќе вложи 1,5 милиона евра.

– Вториот ден ние што останавме на протестот во Скопје, се сретнавме само на пет минути со вицепремиерот Анѓушев кој, дури не ни дозволи да поставиме прашања. Рече дека инвеститорот ќе вложи 1,5 милиона евра, прво ќе се подмири долг кон Стопанска банка Битола и ќе останат 1,1 милион евра, па што сакаме да правиме со нив. Сега проблемот го префрла кај нас за ние да решиме за подмирувањето на побарувањата. Бараме крајно и конкретно да се каже како со фирмата. Не е проблем да се рестартира преку стечај и да работи „Еурокомпозит“, но не се знае ништо. И по две години договарања и преговарања како да сме на почетокот, смета Велјаноски, нагласувајќи дека само исплатата на заостанатите придонеси е околу еден милион евра.

Работниците бараат средба со релевантните политички фактори во Прилеп, а не ја исклучуваат можноста од повторен протест во Скопје.

Би можело да ве интересира

„Кој е следен“: Ова не е борба меѓу партии, ова е борба меѓу чесните и корумпираните

Горан Наумовски

Свирежи до Владата, a потоа 16-минутен молк за жртвите од Кочани

Горан Наумовски

„Вие сте херои“ – граѓаните ги поздравија медицинските работници

„Секој еден, може да е следен”, „Правда за жртвите”, извикуваат граѓаните на денешниот марш во Скопје

„Кој е следен“: Ние сме активни граѓани, сакаме да останеме тука, да живееме во Македонија, но да е безбедно

Горан Наумовски

ВИДЕО: Протест на граѓанската иницијатива „Кој е следен“ во Скопје-загинатите во Кочани никогаш нема да бидат заборавени

Горан Наумовски