Од недела започнува нов тропски бран со температури до 39 степени, најавуваат од Управата за хидрометеоролошки работи.
„Во наредните денови не очекува топло и стабилно време, а во сабота на планинските делови ќе има и краткотрајни врнежи. Од понеделник не очекува зголемување на температурите од 31 до 38 степени, а најжешко ќе биде во среда 39 степени“, вели Ленче Ризова, синоптичар во УХМР.
Овој топлотен бран ќе трае до четврток, од кога температурите ќе се вратат во просекот за летните денови.
Од УХМР не можат да кажат дали ова е последниот тропски бран кој ова лето ќе ја погоди Македонија, бидејќи тие изготвуваат единствено десетдневни прогнози. Ова ќе биде вториот пеколен бран за ова лето, по оној од минатата недела кога температурата во Скопје стигна до 39 степени.
