Поранешниот пратеник Сурија Рашиди од Алијанса за Албанците е резрешенен од функцијата генерален директор на МЕПСО поради внатрепартиски превирања, а на негово место ќе седне Зуди Енузи Кока.
Разрешувањето на Рашиди се очекува да помине на Управен одбор на АД МЕПСО, а на негово место се очекува да биде именуван Зуди Кока од истата партија.
Зуди Енузи Кока во јули 2022 година беше разрешен од позицијата директор на ЈП Комунална хигиена од скопската градоначалничка Данела Арсовска, откако неговиот брат Цуфи Кока пукаше со пиштол во поворката што учествуваше на протестите против францускиот предлог додека се движеше кон зградата на МНР.
Лидерот на ВМРО-ДПМНЕ, Христијан Мицкоски тогаш рече дека требало да биде убиен од Цуфи, кој доби затворска казна од четири месеци за инцидентот.
