Сообраќајот на патниот правец Кичево-Охрид се одвива нормално, соопшти Јавното претпријатие „Македонија пат“.
Прекинот на овој патен правец беше поради голем одрон меѓу селата Извор и Подвис кај месноста викана Овчанско Речиште, а сообраќајот беше пренасочен со бајпас направен од дежурните екипи на „Македонија пат“.
Поради обилни врнежи од дожд изминатата ноќ на 140-от километар Скопје – Охрид, меѓу Извор и Подвис имаше одрон од околу 70 метри кубни.