На барање на граѓаните од Порта Влае, општина Карпош пред два дена повторно го нормализираше сообраќајот по сервисните улици.
Секторот за уредување на градежно земјиште и комунални работи воспостави повторна комуникација меѓу сервисната улица, паралелна со булевар „Партизански одреди“ и улицата „Есперанто“, преку постојниот паркинг простор.
– Сообраќајната комуникација е направена со поставување бекатон плочки и павер елементи на коловозот, со што се овозможи непречен дотур на стоки и материјали до дуќаните и деловните простори во Порта Влае, како и непречен пристап до паркинг местата, информира општина Карпош.
Продолжува изградбата на новиот плоштад во Влае.