Дополнителниот заменик-министер за земјоделство, шумарство и водостопанство Љупчо Николовски денеска обвини дека субвенциите, наместо кај земјоделците, завршуваат кај медиумите блиски до власта.
Тоа, според него, го потврдил и министерот Михаил Цветков во интервју во кое вели дека фирмата „Трансмет“, сопственост на Сеад Кочан кој воедно е сопственик и на ТВ Нова, добила тендер за изградба на системот за наводнување Равен – Речица, вреден 8,5 милиони евра.
– Цветков, со образложение дека не го интерсира дали градежните фирми имаат телевизии или не, најавува и можност „Трансмет“ да добие уште еден тендер, за браната Речани, кој е во тек, изјави Николовски.
Тој посочи дека во период од една недела, од 16 до 22 февруари годинава, МРТ, Сител, Канал 5 и Алфа емитувале позитивни прилози за ВМРО-ДПМНЕ во времетраење од 5,58 часа, а негативни немало воопшто.
– Ова е уште една потврда зошто се потребно слободни медиуми, рече допполнителниот заменик-министер.