Да се интензивира соработката меѓу Македонија и Словенија договорија денеска министерот за земјоделство, шумарство и водостопанство Љупчо Николовски и словенечкиот амбасадор Милан Јазбец.
– Заблагодарувајќи се на целокупната политичка поддршка што Словенија и ја дава на Македонија, министерот Николовски ја потенцираше и потребата за продолжување и зголемување на соработката во ресорот земјоделство. Во моментов, нагласи Николовски, нашиот фокус е насочува кон размената на искуства во три подрачја и тоа околу поголемото искористување на сретставата од претпристапниот европски Фонд-ИПАРД,руралниор развој и поттикнување на билатерални средби на стопанствениците, соопшти Министерството за земјоделство, шумарство и водостопанство.
Амбасадорот Јазбец ја искажа подготвеноста на Словенија да продолжи и да ја подржува нашава земја во областа на земјоделството и руралниот развој и го покани министерот Николовски на форумот на европските министри за земјоделство и на Кина кој треба да се оддржи во август годинава во Словенија. Во рамките на овој форум е предвидено и оддржувањето на земјоделскиот саем на кој е обезбеден и бесплатен штанд за претставување на македонските компании пред бројните странски и домашни посетители.
Министерот Николовски истакна дека форумот ќе биде добра можност да се разменат искуствата со колегите од европските земји, но и ќе се направат сите подготовки за успешно претставување на македонските компании на словенечкиот и европскиот пазар, се вели во соопштението од МЗШВ.