Николоски во нова снимка: Тие згради се од Нефи бандитот, тоа му е дел од договорот за изборите

Од:

Втор разговор помеѓу Александар Николоски, носител во изборна единица четири и Миле Јанакиески, ексминистер за транспорт и врски, сега обвинет за криминал во повеќе случаи на СЈО, е објавен на јутуб каналот „Обнова на режимот“. Во овој разговор, се споменува и сегашниот советникот во Општина Охрид, Нефи Усеини од ДУИ, чие семејство е сопственик на градежна компанија. Од снимката се слуша како Николоски не дозволува да се чепка местото каде ќе гради Усеини, бидејќи, тоа му било дел од договорот за избори со ВМРО-ДПМНЕ.

„Ало министре“, одговара Николоски, на што Јанакиески возвраќа: „Шефе, има некој план за Охрид, … Гранит кај што ви се зградите, во продолжение на Гранит зградите“, а Николоски му вели: „Оооо никако тоа. Тие се на Нефи, овој бандитов, Албанецот. Згради се тие така?“. Јанакиески вели: „Четири згради се, да“, па Николоски продолжува: „Да, да, од Нефи се тие. Тоа му е дел од договорот, ова, за избирите. По 8-9 спрата се“, а Јанакиески додава: „Не, 5+5 се“, по што, Николоски вели: „Е така, по 6 спрата. Никако молим те“.

Општинскиот советник Нефи Усеини, е сопственик на неколку дивоградби во Охрид. Тој е претседател на огранокот на ДУИ во градот. Низ годините е повеќепати осуден, а во охридско-струшкиот регион важи за трговец со гласови. Против Усеини и во моментов има неколку предмети кои ги води охридското Обвинителство.

Претходно, советник во Општина Охрид во периодот од 2013 до 2017 година, беше братот на Нефи, Кујтим Усеини, кога со градот раководеше Никола Бакрачески од ВМРО-ДПМНЕ.

 

Би можело да ве интересира

(ВИДЕО) Депонијата „Буково“ гори, директорот на комуналното е задоволен од одржувањето од фирмата на Нефи Усеини

Кристијан Ландов

Додека се уриваат плажите, никому не му е гајле што дивоградбите на Нефи Усеини и натаму работат

Нефи Усеини е на патување, се одложи рочиштето за претепувањето на општинскиот советник

Кристијан Ландов

Нов судски процес против Нефи Усеини за претепувањето на советникот во Охрид, закажано првото рочиште

Кристијан Ландов

Нефи Усеини нема да одговара за нападот на инспектор кој беше набркан од дивоградбата кај Чинарот

Кристијан Ландов

ВИДЕО: Отстранувањето на базата на Нефи Усеини театар за јавноста – работници си работат, таа е на истото место