Николоски: Изјавата доби друг контекст, ставот за Јанчев не е личен

Од:

Потпретседателот на ВМРО-ДПМНЕ Александар Николоски вечерва изјави дека Централниот комитет го разрешил потпретседателот на партијата Митко Јанчев поради несогласување со политиките на партијата, ставовите на партијата и нивно неследење.

За жал, рече тој, можеби поради тоа што лошо се изразил или лошо била пренесена, изјавата добила друг контекст, односно се поврзува со обвинувања за поткуп. Во изјава за медиумите пред почетокот на прославата на ВМРО-ДПМНЕ на 23 Октомври, тој не прецизираше дали е тоа јавно извинување кон Јанчев, кој денеска тоа го побара од него. Рече тоа не се негови лични ставови, туку заклучоци на Централниот комитет што тој имал задача да ги пренесе.

Јанчев денеска побара јавно извинување од Мицкоски и Николоски за вчерашната прес-конференција на Николовски на која кон него, како што посочи, биле упатени „ниски и агресивни обвинувања за закани, поткуп и криминал, рамо до рамо со Сашо Мијалков“.

Антонио Милошоски не ги коментираше одлуките од ЦК на ВМРО-ДПМНЕ. За медиумите вечерва изјави дека не присуствувал на состанокот, но внимателно ги следел изјавите и, како што рече, спомнатите ќе може да дадат свое мислење.

-Добро за партијата и за државата ВМРО-ДПМНЕ да се консолидира, да има јасен опозициски курс на движење и тоа ќе биде корисно и за власта. Денес е и симболичен празник кој тоа треба и да го покаже, изјави Милошоски пред почетокот на прославата во МНТ.

Притоа посочи примери и во СДСМ од минатото, како Нано Ружин кој, како што рече, беше избркан од СДСМ зашто прифати да биде амбасадор во НАТО, потоа, рече, слични работи се случуваа со Бучковски, Бузлевски, Буралиева, Грчева…

-Тоа е прашање на нашата полтичка воспоставена пракса, која се надевам дека во иднина ќе биде подобрена, рече Милошоски.

Би можело да ве интересира

(ВИДЕО) Николоски од Гевгелија: Во исто време се градат 10 спортски игралишта, така ќе продолжиме да работиме веднаш по формирање на новата влада

А1он

Мицкоски: Тоа дека ДУИ полнеле кутии на денот на изборите е докажано од суд, затоа повикувам на будност и внимание

А1он

(ВИДЕО) Ковачки: Ветуваме реконструкција на пругата Кочани – Велес

А1он

Дафина Стојановска: Народот доаѓа по она што Али и Груби му го одзедоа

А1он

ВМРО-ДПМНЕ: ДКСК да покрене постапка против Битиќи, бара од фирмите на кои им исплатил помош да гласаат за него

А1он

Мицкоски: По осми мај започнува трансформација на Македонија со новата Влада предводена од ВМРО-ДПМНЕ