Никој не се брза за предметите на Дамева: Ниту Управен закажува судење, ниту Обвинителството ја интензивира кривичната

Од:

Ни трага ни глас од кривичната пријава и тужбата кои Весна Дамева пред пет месеци ги поднесе до Скопското обвинителство и Управниот суд за нејзиното разрешување. Ниту обвинителите, ниту Управниот суд не се заинтересирани брзо да ги завршат предметите, иако нејзиното разрешување предизвика бура од реакции и дома, но и кај меѓународната заедница. Дамева за А1он вели дека очекува да се реши ова прашање со почитување на законски предвидените рокови.

„Во врска со поднесената тужба во Управен суд сеуште нема закажано главна расправа, а по однос на кривичната пријава, дадов изјава пред надлежениот обвинител. Очекувам од судот и ОЈО во рамките на своите надежности да донесат законити одлуки почитувајќи ги законски предвидените рокови. Се надевам дека наскоро ќе има правна разрешница на случајот. Верувам во правда и убедена сум дека во овој случај таа е на моја страна“, вели Дамева за А1он.

Од Управниот суд за А1он велат дека судење ќе има за брзо време, но кога, се уште нема информација.

„Судење треба да има во блиска иднина“, вели за А1он претседателот на Управен суд Бурим Сејдини.

Овие одлуки на Управниот суд и скопското обвинителство пет месеци да не се преземаат активности за кривичната пријава и тужбата доаѓаат во време кога Судскиот совет е под надзор на оценска мисија од Европската унија, која пак следуваше по разрешувањето на Дамева, но и откако поради разрешувањето, Холандија стави во мирување голем проект за зајакнување на ефикасноста, отчетноста и транспрарентноста на Судскиот совет кој старувал во 2020 година, а требаше да заврши во 2024 година.

Ако пак се развлече судењето до завршување на мандатот на овој состав на Судскиот совет, по автоматизам би значело и дека нема предмет, затоа што одлучувањето на Управниот суд би било „пост фестум“ и нема да има за што да се одлучува.

Би можело да ве интересира

Судски совет: Со интервенција во законот директно се влијае врз нормалното функционирање на судовите

Ѓорѓи Андонов и Тодор Поп Панев избрани за судии во Апелациониот суд Штип

Љупчо Коцевски избран за нов државен обвинител

Мајка од Струмица e осомничена за запуштање и малтретирање на дете

Горан Наумовски

Судскиот совет добил претставка и постапува по одлуката на Врховен суд за зградата на ССМ

Престанува мандатот на Мери Радевска како член на Судскиот совет поради пензионирање