ВИДЕО: Независните на ВМРО, не кажуваат дали ќе гласаат за одземање на мандатот на Груевски

Од:

Независнита група пратеници од ВМРО-ДПМНЕ не кажува како ќе гласа на седницата за одземање на пратеничкиот мандат на пратеникот Никола Груевски.

„Ќе дознаете на седницата кога ќе биде закажана. Имаме став, ама сега не е на ред таа тема“, изјави кратко пратеничката Нола Исмаиловска Старова, одговарајќи на новинарско прашање.

На прашањето дали е точно дека, групата е во контакт со Панчо Минов од ГРОМ, и дали ќе има зголемување на пратеничката група со нови пратеници, Старова кратко одговори дека групата брои осум пратеници.

Во однос на законот за СЈО, независните на ВМРО-ДПМНЕ порачаа двете најголеми партии да најдат компромисно решение, затоа што законот е предуслов за европската перспектива на земјата.

„Ние даваме поддршка на законот и нашиот став е во насока на охрабрување на политичкиот дијалог. Имаме и свои забелешки, кои ќе ги соопштиме кога ќе бидеме повикани на средба, изјави Исмајловска Старова.

Таа од собраниската прес сала информираше дека независната група на ВМРО-ДПМНЕ, остварила средба со евроамбасадорот Жбогар на кое го презентирала писмото со кое се бара шанса за отпочнување на преговорите со ЕУ.

Габриела Димковиќ-Мишевска

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови